mercredi 20 février 2013

Deman Nicolai e Marina ??????

 DEMAN..............
 Vivèm dins un pais arroïnat , un pais que foguèt un temps lo fara de l'Euròpa , e que sa casuda contunha , a la plondor de son esplendor...
Non que sem pas a gingolar sus la grandor passada. Ni mai a esperar a l' endeman que canta, que canta pas que per 0,5% del franceses (de Belgica? , de Soissa? , dels Caimans?...), e que canta pas gaire per degun.
França n' es arribada al fracatge , economica, politica , social, filosofica, educatiu, de la justícia, de sa polícia, de sos medias, de sos artistas de son cinemà, que sem en pena per trobar quicòm de polit dins aquela tuba espandida pel monde mondialisat de las financas mafiosas (qu'anem ajudat un còp de mai e a gratis sioplet) .
Per de que?.
Qu'ailas ne soi pas capable de ne far lo constat e de ne calcular la resulta.
Vesèm lo caumatge augmentar, vesèm las entrepresas clavar, vesèm las entrepresas del CAC 40 , compres las que son encara la proprietat de l'Estat (coma EDF) partir a l'estrangièr per s'escapar las talhas !!!. Vesèm los beneficis del Cac 40 se sarrar un còp de mai dels 100 miliards d'euro e los paises baissar los braces mentre que los medias li ressègan de longa : sètz de fenhants ...sètz pas competitius, sabètz pas vos adaptar..
La palma a Franca Cultura del dissabte matin....
Vesèm los òmes politics s' emplenar las pòchas. Vesèm los patrons se servar de paracasudas daurats a l'aur fin. Vesèm que dins las entrepresas , dins la societat , i a pas mai qu'un sol mot : individualisma e capitada, que que ne siague lo prètz . Tot aquò revèrta tròp lo fracatge d'un batèu... Consí pas pensar al Titanic ?
Vesèm los vièlhs abandonats dins lor ostal de retirada , vesèm los joves sens emplècs.
Vesèm que las femnas son totjorn mespresadas al trabalh , batudas coma los enfants en familha . Dins l'encastre del Maridatge Crestian que la drecha vòl aparar per aparar la familha !!!!
Vesèm que una part importanta de la societat vòl empachar un drech establit de pertot, lo de se maridar liurament , d' adoptar d'enfants.. La meteissa societat que mespresa sas escòlas , sas presons , que saqueja son espital, que mespresa sa justícia, sa polícia totjorn tròp caras .
França es un estat qu'a perdut son arma e que viu que dels remembres.
A mai un estat que contunha eternalament de mespresar sa diversitat, sos peluts, sas lengas, un pais que sos Mossuròts lor agradan mai de parlar anglés , mas qu'enebisson a las seunas minoritats de parlar la lenga dels aujòls, al nom de la glòria de la lenga de la Molière . E qu'i a fòrça esclaus acaprissats d'aparar son Utopia Esquizofrenica que parla angles....
Un pais que s' acamina dapasset mas segurament tot drech al faicisme .
Que deman ( mas ont podem anar aital?) que nos esperan torna amai lo president Nicolai ambe la primièra ministre FN.
Los socialistas son a mand d'en prendre per trenta ans ; me pareis que se'n chautan coma de sa primièra braias, coma Coty o Guy Mollet faguèron, que fa bèl temps que s' acontentan pas que de gestion comunala , e fa bèl temps qu'an abandonat la pus pichona idèa de socialisme Jauresian .
La darrièra paraula de F Hollande nos arribèt de Grècia : encoratja las bancas francesas de crompar ailabàs las darrièras entrepresas a mand d'èstre privatisadas, un Jospin vengut president qué!
Aital èra plan la vertat que, tre la sortida de l'ENA F Hollande joguèt (per causir) entre lo PR de VGE e lo PS, a pila o fàcia?
De tot biais França es pas cap una democracia. Lo sol biais de se salvar seria d'i venir , es a dire de descentralisar totas las decisions economicas , a cada ciutadan de votar e de causir entre los sacrificis demandats , e que se tradusiràn per de talhas, de caumatge , de misèrias , de malastres , sacrificis que farem pas per la Borsa ,mas baste qu'ajam lo drech de causir del biais Islandes.
Mas los socialistas son quitament pas pus capables de nos prepausar cap de causida democratica , e van nos daissar deman...............sonque ambe l' asirança de l'autre ...



Aucun commentaire:

Enregistrer un commentaire