Dictada et langue occitane a Muret

Lenga e cultura d'òc

I a los que se'n chautan, los que s' agradan de s' amolonar, de far la fèsta, los , la majoritat, que parlan pas cap un mot d'occitan, los qu' espèran de se trobar d'amics, de femnas , los que son president , los que son sòcis, los que parlan un pauc e que se tròban defòra. I a los que cercan de longa un micrò, d'un temps que los elegits se sarran, los que te panan lo papèl dels dets, e que t'enganan tant que pòt , pel plaser de parlar d'èstre davant, de se trufar , e que se tròban d' excusas, alara que sufisiá de demandar....

I a los que s' amolonan dins la cosina d'astre , que s' amagan, las que sabon parlar, mas que son pas vengudas , i a los amics de luènh, de prèp, e i a los qu'ajudaràn de longa e totjorn....

Vertat i a los que se'n chautan de la lenga , del nas, coma del cuòl ... Sonque la bevenda e l'aligòt o lo voide granièr e que parlan pas cap de la lenga, que parlan pas cap levat de lor solesa ...

E tu que ven pas que per ela, la lenga, te tròbas colha , que los autres que se demandan ( que se demanden quicòm!!!) : mas de qu'espèra aquí aquel truca luna ? Es pas clar lo tipe!

Fin finala tot finís per revertar la corsa d'una reconeissença , d'una caça al sèti de responsable d'un quicòm ...

I a maites artistas occitans , cantaires, contaires , pintres, mas n'i a que son pas jamai convidats....

E cada accion pareis pichona, estequida , vergonhosa....

Alara que tot se resumís a mostrar a un conse que la cultura occitana es pas cuècha.... A un tipe qu'es vengut sord. E que i a pas cap de bandièra sus la Comuna, pas una carrièra sonada en lenga d'òc, pas cap de projècte per la calandreta, pas de maridatge occitan ( que còsta pas car non? Pas d'ensenhament dins las escòlas mairalas de la republica de la lenga dels aujòls . E que per aniversari de 1213 , l' estacament a la republica dels dreches de l'òme , deman van nos far una batalha de crosats vestits de pelhas de l'Edat Mejan , una occitanejada polida ambe los esclòps....

Mas que caldriá senhar un tèxte clar .... 

Trist o bèl ? .............. segond vòstra idèa....

Ne sem ja a la fin?