occitanissima

Te'n fas pas pichon, La lenga .... va se'n va, Tinda sus las parets Rebomba dins la posca , Coma l'escupit blau. D'un cistercian O suls ròcs , Sul sable, que s'amolona , Coma los sègles de la musica sorna d'un cant escanat . Als trastes vièlhs dels quècs Dins sa negror De lenga plegada Dins son linçòl Roge e jauna Ambe lo gèl Per flaçada E son paratge passit Per salvar son anma . S'adormis Quora me remembri, la crida dels aujòls. que la parlava de longa a Marvejòls.

Lo 18 Octòbre 2013 a 2 oras al pargue Clement Ader debutarà la passejada occitana : Murèth 1213 Batalha o Chapla? Murèth e los 13 punts principals de la cavalcada falorda de S de Monfòrti  Vos convidem dissabte 18 octobre que ven a una passejada occitana dins Murèth. La tòca serà d' ensajar de comprendre consí una batalha qu'opausèt 4000 cavalièrs e 20000 pedons lo 12 de setembre 1213 poguèt far mai de 15000 mòrts costat aligats , e sonque à pro pena 8 costat crosats (segon las sorgas multiplas)? Un detalh que sembla pas interessar degun! E que metèt ailas, Murèth al nivèl de Besièrs al nivèl dels masèls bèls de l'istòria de Franca qu'en manca pas, pr'aquò. L'idèa de la passejada m'es venguda de la lectura de mantunes libres , mas subretot de dos principals lo J Anglade e l'autre de Martin Alvira e encara de mantunas recercas a bicicleta per ensajar de comprendre consí s'èra poscut passat aquel chapla . ...

Al cap de la Sicili dire que la natura es polida , revèrta un pleonasma, que a l'entorn de l'Etna pareis subrebèla, mas quora vesèm la natura pròcha e Lipari o dels Nebrodis , podèm pas que se mesura l' astrada d'èstre ailà a se miralhar , la mar la montanha per se , coma se d'un còp d'ala o d'uèlh nosautres òmes garrèls , podiam nos trasportar als sègles passats, per mesurar la belesa dels temps passats e presents . Que nos portèt lo monde modèrna e las innovacions? La question s 'amerita d'èstre pausada. L'òme antica sapchèt utilisar la natura , la mar, los volcans per se sarrar del miracle de la vida . Sabi que nos en portarà de mens en mens . Coma se la societat modèrna nos avia donada còp sèc lo fins fons de sa pensada. Que ne demòra pas res pus a donar a vistalhar , a devinhar , coma se lo sac s'èra estat tarit. E que demòra pas res pus . Que sabi que los joves se pausan pas...

La rota serpateja entre las platanas mòrtas. Un canal qu' amaga son aiga vèrda Dins l'ombra traucada de la davalada Un rossinhòl fiulèja dins l'òrt Lo cant de las amors acabadas . Passetz lo camin, mangonièrs e rofians Pairolièrs ,amolaires, trafegants de sòmis Pelharòcs , pegòts , empalhaires , arpalhands Mentre qu 'escoti lo resson vièlh de la mia lenga mòrta. Mas de que crida la veusa dins l'òrt embartassat? Que mormolha encara 'questa vièlha 'ganida ? Li an panat un uòu , una feda , doas galinas . ... que son òme seriá mòrt sul camin de la vida?. E los enfants de que dison al vilatge? Ont son? Jògan? S' audis pas cap de cridas, las irondas trissan pas . Quitament que lo clas, totes pòblan lo cementèri? Un man gelada me quicha lo pitre, sus la calada vuèja. Que soi tombat orfanèl del meu pais . Totes son partits al pais dels aujòls . E los novèls d'ara parlan pas que ponchuts ...

Coma nos cal pas esperar ren de mai d'aquel monde politic del monde liure . Levat la mòrt, cal ben s'amaginar un avenir .  A Marinaleda se son trobats  quicòm de brave , mai polit que l'utopia o l' avenir gris de l'Euròpa , an fargat una nòva  solidaritat que dubris sus totas los raisves  e la dignitat  !

Òsca Lo president Guy Moleton Olanda de Vals capita. Lo còp venent lo PS serà al nivèl de la SFIO de 1958 a quicòm pròche 8%. Los jornalets comunistas de Los Ressons ( les Echos), lo Punt (Le Point) mai los autres jornalets d'esquèrra ( La Despacha , lo Monde lo Figarò , ece...) Sens comptar los anarquistas revolucionaris de la television o de la radió , Morosi , El Kasbah , PPDA, Pujadas , Pernod, Duhamel, ece . Dison que las entrepresas del CAC(a) 40 an de pagar 50 miliards d'euros als accionaris, sabètz los valents que n'en branda pas una! . Quun benastre ! L'an dich escrich pichon . Qu' o cal cercar. Olanda lo leniniste caparut capita a fons. A pas realizat un sol punt del seu programe , lo mèstre vertadièr de la promessa oblidada . A ieu es Total que m'agrada , sabètz l' ELF privatisada per Jospin lo socialista roge que pr'aquò voliá pas se mainar de la gestion de las entrepresas (veire Michelin)... Tot...

LO JOAN JAURES NÒU ES ARRIBAT Demandatz lo vòstre Joan Jaurès ... Lo Joan Jaurès Novèl es arribat. Sembla rosat dins sa polida rauba de nèci vencit dins son malastre ... De fusta de roire, ambe sas olors de fragostas? de majofas? de mèrda? Mas qu'es roge lo Joan! Que tornèsse aquí lo Joan e precharià pas que la guèrra de pertot? Dins Libia , Afganistan, Iraq , Iran , Siria , Centreafrica, Ucraïna ece.... Mas qu'es roge lo Joan! Coma nos o ditz lo nòstre president . La feda perduda del PS. Los occitans aiman plan lo president, l'òme qu'apara los rics contra als paures? Mentre qu'a l'occitan li agrada de se creire liure dins son òrt estequit . Sens solfinar que lo Francisco siá lo fraire besson de Nicolai ... De que fariá aquí un Francisco Nicolai ..... Visca Occitana , lo pais que ritz , mentre que morís!!! Mas qu'es roge lo Joan qu'auriá pas daissar far!!!!!! ...