occitanissima

Lo regentòt, D'o legir, òm compren las dificultats d'arribar dins un trassa de vilatjòt gascon en 1947. Òm compren que lo regent es pas gaire esperat a la debuta, que deu tot sol, tornar bastir aquela escòla roïnada , e trobar sa dralha , lo bon biais d' ensenhar . Que lo mond lo finta e que l'acuèlh es vispre. Puèi vesèm l'òme prendre d'assegurança, puèi se carrar de far son niu, e meravilhar los enfants amb la bibliotèca o lo sòmi d'un viatge, un biais finaudèl, d' assabentar qu'agrada fòrça als mainatges. Dapasset trapa la fisança dels paisans, del conse, benlèu pas? . Òm compren encara que l'òme patis de l' aluènhament, mas que buta sa tòca amb estrambòrd. E cossí fin finala , se fa aimar de gaireben tot e totes . L'òme es pudic , secret, cresent, respectuós dels autres, simpatic amb l' acordeon que rebala pels totes los ròdols . Sentèm son emocion davant la natura , o davant los enfants quand descubrisson la poësi...

Petròli? Avetz dich pétròli? Non alara de que prèchatz ,... de nucleari? Non? Alara parlatz de gas de blesta? Non? Alara de gas de bosa? Pas mai. Merda... Cossi far? De que venir fat... Mas miladius, cossi farem per mòlzer?

Sola.... De la fenèstra Gaitarà la lutz , Que farà dançar l'aiga E nàisser las garbas de belugas Coma la mòla jos lo banèl Coma l'aiga venguda del cèl , Arrancada d'una èrsa d'argent Escampilhada al quatre vents Fial lumenós d'una canèla de la font viva qu'asaiga l'arma. quitament un rai qu'ondeja, sus la parèt, al solelh. Aquò's la musica dolça Las paraulas d'un amorós Que bresilha sos potons Pel front e sus las popas. Que debana son cridal e sas cossèrgas asoradas, Que la daissarà tremolanta. Las mans mostosas Sarradas sus la parabanda. Lo trepador se pèrd Dins l'azuèlh escur. De la carrièra infenida. E lo ser la trobarà somiaira Mentre que la luna alisarà sos pelses d'aur.

Eleccions 2011 l'UMP capita ... Mas en destrusent los avions , los tancs de Gadaffi ,los camions e las reservas de noiriduras , l'Euròpa fa que ara , la guèrra civila pòt comencar a armas egalas. Òsca a l'Euròpa, a França subretot que descoratja l'Arabi de venir , abant qu'arribe a Lampedusa . Marine n'es contenta. Des bombas quitament cirurgicalas e des eleccions malastrosas ambe lo FN que naseja encara mai.

Las femnas en politica son coma los òmes, benlèu mai . Tenon las dents que rebalan pel sòl... Demandatz un pauc al paure Besson ... Qu'arriba pas de se trobar un micrò per ne dire una.... Mentre que Kosiusko-Moriset quita pas de parlar de per tot Imaginatz , sufis de se remembrar la Tatcher , o la Albright o de fintar la Clinton, o la Moriset... E te dises sul pic que sias benastruc d'èsser vivent e de far pas de politica.....Brrrr...Te ven la pèl de galina. Per dire una asenada de mai, que cal quitar de parlar de las pauras femnòtas... Pr'aquò soi favorable a l'egalitat !!!! E la demandi pels òmes ....

A Còcò Bedane Yèèèèèè Juju nos cal tuar l'aga Khan, e Muhamar subretot que faguèt una conaria , que m'an pas seguits l'Uropa ... Yes we Khan kill Muhamar . We have to kill now, lo Muhamar, que vòl pas mai me parlar e crompar la centrala atomica..... al telefona.... Puta que li quilhèt la tenda dins l' òrt e que me caguèt sul nas.... Te l'aviai pas dich Juju ? A dada.... Iou

Un francés medalha d' aur als jocs de Tripòli, categoria: petròli light ? E deman l'Arabia Saoudita? le Koweit ? O lo Venezuela de Chavez?

Omenatge als peluts Als milions de « peluts » Mòrts per França, Occitans tant e mai, dusc'al cap de la lenga Que parlavan « patès » pareis. Mitats sebelits dins la tèrra gelada, Oblidats al trauc de la memòria de la patria "reconeisenta", L'istòria inacabada de sa mòrt Sens que los felens encara uèi capitèsson son drech primièr: La parlar sens malvolença. Per astre la salvar, per els, Que donèron sa vida en cresent De luchar per nòstra libertat E lo drech de se creire occitan reconegut. Sens fintar lo cocut. Qu'estarissa per la prada. La vergonha es sens tèrme al país de « l'òme ponchut ». Levat lo drech de morir per de toca-manetas e pauc vals , 'quò's tot çò que nos demòra. E la mica sus la tendèla ?