vendredi 29 août 2014

Orfanèl del meiu pais... e las irondas ont van ?




La rota serpateja entre las platanas mòrtas.
Un canal qu' amaga son aiga vèrda
Dins l'ombra traucada de la davalada
Un rossinhòl fiulèja dins l'òrt
Lo cant de las amors acabadas .

Passetz lo camin, mangonièrs e rofians
Pairolièrs ,amolaires, trafegants de sòmis
Pelharòcs , pegòts , empalhaires , arpalhands
Mentre qu 'escoti lo resson vièlh de la mia lenga mòrta.

Mas de que crida la veusa dins l'òrt embartassat?
Que mormolha encara 'questa vièlha 'ganida ?
Li an panat un uòu , una feda , doas galinas .
... que son òme seriá mòrt sul camin de la vida?.

E los enfants de que dison al vilatge? Ont son? Jògan?
S' audis pas cap de cridas, las irondas trissan pas .
Quitament que lo clas, totes pòblan lo cementèri?
Un man gelada me quicha lo pitre, sus la calada vuèja.

Que soi tombat orfanèl del meu pais .

Totes son partits al pais dels aujòls .
E los novèls d'ara parlan pas que ponchuts
Endevenir vièlh revèrta una misèria ,
Que te fa montar los sovenirs caputs,
Tan vièlhs? tan agres! tan luenhs!

Una poton? Una renegada ? Una plaga dubèrta?
Coma se te cachavan l'arma ambe un truèlh .

Aimavan de beure e de se trufar .
La Tèrra èra pas un desèrt ,
Se parlavan pels val e pels combas ;
Bèls èran de son umanitat.

Un jorn los ausiguèri pas pus...

'quò's aital que tombèri orfanèl!





jeudi 21 août 2014

Marinaleda, un village en utopie




Coma nos cal pas esperar ren de mai d'aquel monde politic del monde liure . Levat la mòrt, cal ben s'amaginar un avenir .  A Marinaleda se son trobats  quicòm de brave , mai polit que l'utopia o l' avenir gris de l'Euròpa , an fargat una nòva  solidaritat que dubris sus totas los raisves  e la dignitat  !

jeudi 14 août 2014

PS o SFIO




Òsca Lo president Guy Moleton Olanda de Vals capita. Lo còp venent lo PS serà al nivèl de la SFIO de 1958 a quicòm pròche 8%.
Los jornalets comunistas de Los Ressons ( les Echos), lo Punt (Le Point) mai los autres jornalets d'esquèrra ( La Despacha , lo Monde lo Figarò , ece...) Sens comptar los anarquistas revolucionaris de la television o de la radió , Morosi , El Kasbah , PPDA, Pujadas , Pernod, Duhamel, ece .
Dison que las entrepresas del CAC(a) 40 an de pagar 50 miliards d'euros als accionaris, sabètz los valents que n'en branda pas una! . Quun benastre !
L'an dich escrich pichon . Qu' o cal cercar. Olanda lo leniniste caparut capita a fons. A pas realizat un sol punt del seu programe , lo mèstre vertadièr de la promessa oblidada . A ieu es Total que m'agrada , sabètz l' ELF privatisada per Jospin lo socialista roge que pr'aquò voliá pas se mainar de la gestion de las entrepresas (veire Michelin)... Total 10 miliards d'euros de benefici tot sol com' un grand , de que pagar lo deute del sistèma de santat .
Lo caumatge monta , los salaris baissan normal... Poiriam far melhor que siam pas pigras !
Envejatz d'argent al Medef (Gataz vòl plan ) se que non contunharàn de ren far! Podètz me l'envejar tanben , lor donarai!! Que ieu degun cerquèt pas de me crompar!
Autra melhora novèla an trobat lo soldat desaparegut a Gaza .
Obama lo Guy Mollet american cridèt que lo «rapt» del soldat èra un crim. Mentre que las bombas tombavan sus las escòlas.. De segur qu'un sol òme de Tsahal val melhor que 1000 estajants de Gaza.
Lo monde liure qu' armèt lo jihad contra la Siria se lo pren dins lo morre a Mossol.
Ukraïna : los fascistas de Kiev e los oligarcas de Moscòu fan l'escorsa per arribar
a Donetsq prim.
Las boitas negras parlan pas gaire e parlaràn pas clar, Cameron que se dòrm ambe, que pensi que Kiev se creguèt benlèu de tombar l'avion de Potine , o un avion civil al ras de la Russia , per te li far portar lo capèl?

Ieu me pensi que per aniversari de Jaures nos poiràn alucar una brava guèrra ambe los Slaves ,
coma en 1914 ambe los germanics , per tornar melhorar l'economia , e qu'a la fin totes los presidents de l'Euròpa se prengan per la man davant un brave monument per de dire jamai pus.
Non ? Seriá pas polida ? L'avèm meritat aquel chaple que deman farà 50 ans que n'avètz pas agut un de primièra borra!
Podètz envejar d'argent se n'avètz encara. A ieu ? Se volètz!



vendredi 8 août 2014

LO JOAN JAURES NÒU ES ARRIBAT

Demandatz lo vòstre Joan Jaurès ...
Lo Joan Jaurès Novèl es arribat.

Sembla rosat dins sa polida rauba de nèci vencit dins son malastre ...
De fusta de roire, ambe sas olors de fragostas? de majofas? de mèrda?
Mas qu'es roge lo Joan!


Que tornèsse aquí lo Joan e precharià pas que la guèrra de pertot?
Dins Libia , Afganistan, Iraq , Iran , Siria , Centreafrica, Ucraïna ece....
Mas qu'es roge lo Joan!


Coma nos o ditz lo nòstre president . La feda perduda del PS.
Los occitans aiman plan lo president, l'òme qu'apara los rics contra als paures?
Mentre qu'a l'occitan li agrada de se creire liure dins son òrt estequit .

Sens solfinar que lo Francisco siá lo fraire besson de Nicolai ...
De que fariá aquí un Francisco Nicolai .....

Visca Occitana , lo pais que ritz , mentre que morís!!!

Mas qu'es roge lo Joan qu'auriá pas daissar far!!!!!!



dimanche 3 août 2014

atèu



atèu

Se pòt qu'una nívol revèrta una lagrema,
Qu'un petal blanc sembla una gota de sang;
Qu'un parpalhòl daissa sa posca d'argent ,
Sus la gauta d'una jove que sòmia de son raisve,
Se pòt qu'un riu carreja de l'amor negre l'olor;
Qu'un panaire de polas crida sas paraulas pudentas ,
Per me sarrar de tu,  sufís de l' alenada de l'autan .
Lo camin de l'oblit serpateja sus l'ala d' Occitània
Sus  la senda dels calucs al long de las esteladas ,
Mentre que la vida ressega son anaire messorguièr,

Dels valats monta la votz raufelosa dels bons-òmes ,

La Tèrra se pleguèt d'un vestit de cendres e de cremats ,

Uèi las cridas de las femnas forçadas s' amudis.

Pr'aquò s' en pòt ausir lo resson dins la nuèch ,

Diaussis, qual a creat aquela tèrra sanhosa? òrra?, tarribla?

Dieu nos o dison los ritons , Dieu del nòstre imatge de Dieu .

Qual poirà asorar un Dieu de sang e de misèrias?

Degun . Pr'aquò  aquel Dieu nos torna!
E n'en volem pas!!!!! sonque de musica e d'amor!!!!