occitanissima

  Bona annada e a totes los indinhats Ièr anèri al cafè , en terrassa , al solelh. Fasiá bèl temps per badar ... Mas de qué esperar de mai ara? Qu'avem lo Nicolas...lo Claudi e lo Francés La serviciala arribèt per me demandar; Se per astre aviam pas besonh de ren... Li respondèri , trufarèl, que voliái  pas que  de lach mesclat  ambe de l'aigafòrt al caramèl. Istòria de  far lo mariole. ... Alara se despopèt e m'envegèt un rajal de lach. Del  seu camin de Sant Jaume? E me considerèt un pauc e diguèt : « ibronha » Ne'n demorèri estabordit. Lo cuol empegat al cadieral La pratica del nas roge me fintèt, l'ussa ponchuda. E mormolhejèt la serviciala en partent: ...  sem d'un ostal onèst aicí , duganèl. Faguèri lo morre ieu una brava ora ... Sens gausar artelhar e sens comprendre ges. A la fin un vielhon se sarrèt,  per me consolar : t' en fagas pas pichon ...qu'es juste per jogar. Qualques còps li pren a la patrona...

Cresi pas qu'i aja un tech E tu i creses al parapluèja divenc? Non cresi pas cap que la vida  aja un sens . E ne soi de bada Cresi pas a un Dieu , e cresi pas  al cèl. Benlèu es bon  pels vièlhs , al ser de la vida ; DE  sautar  sus l'autò negra,  dels pneumatics als flancs blancs . Ieu, zo disi sens me desmargar, Non la vida es pas d'un sens unenc . Fin finala la vida es condemnada . La vida qu'es d'un sens enebit ( atencion gramatica , C O N ( complement objècte nomenat) placé avant lo C U L ( Complement ultime lecat) e ben va ambe lo subjècte ) sus la Tèrra descabestrada. Sens possibilitat de realisar , de capitar sa vida , de la naissença a la mòrt. Per de qué? :   e t' en pause de questions ieu? E MALESHERBES ARRIBET... Quora los angèls son casuts , sens paracasudas ; Los volcans vomissián los ròcs fonzuts de sang. Puèi  que trobèron pas de qué alenar. E cap d'aiga . Chut, mòtus e boca cordurada. La vida es d' un biais enebida., e l...

C ap de rasons de dire la rason de la naissença, o de la mòrt, Cap de rason de la vòstra  preséncia Aicí amont. Al temps de la joventut Que i a pas cap de naut. E cap d'en bas. La vida se ritz, qu' es gaire risolièra . sem arrenduts a l'estat de paquet que van, sens cap d' amont E sens cap de bas. Sens camisa e sens bragas oè oè oè . Coma soi pas un giroscòpi , una baudufa Que teni al meu  anar. Mas se tròba que  soi mens qu'un present . E mas qu'una almòina De l' anarquia dels còdas barras , quicòm com' un borron caput. De tot biais , mai qu'una cocorda, Qu'un riton de campanha ambe escrich sul front : teunhe . E que mòstra lo dessús e lo dejós. Me donèt la vida  lo biais de téner De sarrar las dents ,a se petar l' emalh Marcham, agacham, escotam , Bastiguèri l'ostal. Tocam. Cresi qu'es solida . La meuna casa. Que degun se remembra qu'es de ieu, Las talhas , los amics , los companhs, Que l'ai bastida . L...

Tu peux parler français en Belgique , ouaih dans la banlieue de Bruxelles , tu peux parler . Comme dit Debré , Charasse , Rocard , d'Encausse tu peux  parler privé ta langue de petit chose, sans te priver , mais pour les papiers montre ta langue blanche de neerlandais? . Le français en Belgique , c'est comme l'occitan à Toulouse , non ce n'est pas de la science fiction, cela vient d'un article du Canard Enchaîné de cette semaine  . Le maire Flamand  dit exactement ce que les franchouillards de totas sortes  nos rabachent depuis des  siècles , allons petit tu peux te la parler ton patois , en famille , derrière les volets. Vive la France et vive l'Otan.... Et vive l'Occitania.

Passa per la  carrièra , lo pòble enrabiat Ditz ambe son sang , le temps qu'an perdut D' ensajar de florir l'alèia d'un cementèri Ont dòrmon totes los soldats oblidats. òm lor promés deman , al cèl, lo ser vengut Coma sus las parets, çò que sòmian , de filhas , de copas plenas d'argent, de miratges , de pantais inausits mirgalhats , lo borron , d'un pauc mai de benastre . Per la pena : que son enfant se trufa, Quand las èrsas geladas alisan las teuladas, Quand l'alena pudenta d'un paire de Nadal Per pas lo nomenar , arrèsta pas son carri, que per escampar  aiga, al portal de l'ostal . Fregan las peiras. L'estrada . S' amputan. E a paupas , montan castèls , gleisas , Estatuas , monuments , palais , per la glòria Que non ditz  un mot de sa vida escura . Quitament d'una guèrra passada e féruna. La pròva de l'espèr e de l'infèrn sus Tèrra. E qu'òm aus de longa son tindal de cadena.

Nadal, tota la vertat:  l'enfant èra una dròlla e Maria èra urosa........

Ont sètz passats amics ? Del costat enemic ? Temps bèl es acabat ! Temps bèl vos a cambiat! Vesi pas que des ombras Sentissi una lassièra Temps bèl e acabat Temps bèl vos a cambiat Pica pica relòtge. Pica pica talent. Farem pas de rebotge... Soi encara un nen! Ont sètz passats amics? Del costat enemic? Temps bèl es acabat! Temps bèl vos a cambiat! Pica pica ..... Uèi un rossinhòl ditz Ambe son parladis Lo meu sovenidor! Aimi melhor lo creire , Deman vòli lo veire , Sul meu ajocador. Pica pica relòtge Pica pica talent, Farem pas de rebotge, Soir encara un nen....