occitanissima

Calandreta : l'enjòc. Lo chifre que tua. 53 calandretas . 6000 enfants escolans de classa bilingüa. De tot biais, cossí que foguèsse lo sistèma : 3 enfants per 100 arribaràn a las estudis superioras e l'universitat. Pas pron de seguida a la dintrada de la seisena.. E encara mens de classa bilingüa al licèu. Que podem que saludar lo trabalh extraordinari dels regents, dins un país d' esquisofrenias qu'asiran la diversitat e qu'asoran la conformitat a la falsetat universalisanta dels jacobinasses , qu'es pas al cap, qu'un biais de festejar la grandor del francés . E pr'aquò l'idèa occitana espelís ...E la lenga mòr pas... Visca l' Occitània e visca la Catalonha que ven de reconéisser la lenga d'Òc.

Uèi, al Casal Catalan , carrièra dels Navars a Tolosa. Projeccion del film « Adiu Espanha » . Se tròba que lo catalan parla tròp lèu per ieu (per rire). Vertat que se las lengas catalana e l'occitana son sòrres bessonas , sai que se son aluenhadas un briu, dempuèi lo brèç?. O cal dire. Pr'aquò capitèri d' ausir 80 a 90% de çò que se diguèt aquela vesprada , que la temperatura sarrava los 34 grats. Primièra remarca; lo filme es un filme de professional. Podem cercar en çò nòstre, quicòm de comparable qu' òc trobarem pas. La realisatritz a causit quatre país que se tròban en fasa d'independéncia . Son l' Escossa, lo Groenland, lo Quebèc e la Catalonha . Los quatre país son près en rapòrt de sa tutèla, de son mèstre estatal , federal , nacional . E doncas , aital va s'estudiar de compas la reaccion d' Anglatèrra, de Danemarc, de Canada , d' Espanha, mas tanben las fòrças presumidas e las flaquesas de cadun . Aquela triga fòrça judiciosa permés ...