occitanissima

Lo provèrbi del jorn: Luna mercruda, femna barbuda, de cent ans en cent ans, n'i a tròp d'una . Of Mices and Men o Mirgas e mascles -de que faguèt a Weed?demandèt Slim -ben , vejèt una una drolessa ambe una rauba roja . Lo colhardas, vòl tocar çò que li agrada . Vòl pas sonque que tocar. Alara , para la man per tastar la rauba roja, e la jova de gular, e Lennie que compren pas ges , e s'acranca que li ven pas l'idèa de far quicòm d'autre. Alara la jova gula , gula. Eri pas luenh , e ausissiai totes aquelses crids, amai m'aduguèt pro lèu, e Lennie èra tant espaurugat , que tot çò qu'i podia far , èra de s'acrencar. Li fotèt un còp sul cap, ambe un paissèl de barrièra, per lo far quitar. Tant èra esglasiat, que podia pas daissar la rauba. E puèi , saps, es tant fòrt. Slim sens ussar, agachava dabant el. Boleguèt doçament la clòsca. -e alara de que venguèt? Jòrdi sonhosament alinhèt una novèla rengada de cartas. -Ben la drolessa se'n va contar ...

La votz de Jòrdi venguèt amudida. -m'en vau vos dire per de que quitèri d'o far. Un jorn , òm èran un molon de tipes a l'abroa del Sacramentò. Me sentiai aluserpit per far de cracas. Me viri a Lennie e li disi :" sauta" . E el sautèt . E savia pas nadar una braça. Un pauc mai e se negava abant que que poguèssem lo trapar. E que foguèt tant amistos ambe ièu, per que l'aviai sauvat . Oblidèt complètament qu'èri ièu que li diguèt de sautar . Bon qu'aprèp aquò i tornèri pasjamai. -Aquò's un brave tipe diguèt Slim. I a pas besonh de cervèla per èstre un brave tipe. Qualques còps me pareis qu'aquò's lo contrari. Prenètz un tipe vertadièrament rusat , e aquò's rare que sia un brave tipe. Jòrdi amassèt las cartas escampilhadas e entamenèt una reussida nòva. Defòra , los fèrres butavan sul sòl ambe un bruch sord. A las fenèstras , lo calabrun pausava encara de carrats lumenos. -Teni pas de familha , diguèt Jòrdi. Vejèri d'unes tipes que v...

Lo provèbi del jorn: Lenga muda , non jamai se blassarà. Pintradura titolada " dedins borgès " Of Mices and Men. J Steinbeck O Mirgas e Mascles. seguida. Malgrat que la calabrun apareiguèt a las fenèstras, lo dedins de las barracas demorava escur. Per la pòrta dubèrta, s'ausissia lo bruch sord, e, d'unes moments , los tindaments d'una partida de fèrres de cabal. De temps a autre, d'unas votz s'enauçavan per aprovar, o criticar. Slim e Jòrdi dintrèron, ensems dins l'entrelutz de la cambra. Slim levèt lo braç e aluquèt l'ampola electrica, atenuada, darrièr un capèl de lum, de fèr blanc. Tanlèu, la taula s'esclairèt, e, lo còne del para-lum, rebatant drechament la lum, los caires de la cambra demorèron escurs. Slim se seitèt sus una caissa, e, Jòrdi se metèt en facia d'el. - foguèt pauc de causa diguèt Slim. Auria calgut ne'n negar la mitat, de tot biais. I a pas de que mercejar. Jòrdi i diguèt: -per tu benlèu, qu' èra pauc , mas ...

Lo provèrbi del jorn: Segolena pregarà , entre que Martina cantarà , mas ara totas prèchan Of Mices and Men (seguida) -anem , los òmes , farian melhor de vos sarrar, quora i a encara quicòm per minjar. Que restarà pas res dins doas menutas. Calrson s'escafèt per daissar passar Slim, puèi totes dos passèron lo lindal. Lennie, fòrça esmogut , agachava Jòrdi. Jòrdi mesclèt las cartas , en un molon confùs. -oc, diguèt Jòrdi, ai ausit , Lennie . Li demandarai. -un negre e blanc, cridèt Lennie, estrambordat. -Lennie , demanda-li sul pic , que ne'n tue pas d'autres . -Mas oc. Anem, ven , leva-te. Lennie rotlèt defòra lo lièch, e, se quilhèt, e totes dos s'adusèron dau la pòrta. Al moment ont i arrivèron , Curley subran dintrèt. -Avètz pas vist une femna per aqui? demandèt ambe colèra. Jòrdi diguèt sècament: - benlèu fa una ora , sai que. - de que fotia aici? Tancat, Jòrdi agachava l'omenon enrabiat. Diguèt sus un ton insolent. -diguèt que .... Vous cercava. Curley semb...

Of Mices and Men J Steinbeck O Mirgas e Mascles . Un òme bedre e gròs dintrèt dins la cambra. L’aiga que li gotava del cap, mostrava que l’aviá lavada e fregada. -E ! Slim diguèt , e, s’arrestant descarèt Jòrdi e Lennie. -venon just d’arribar, diguèt Slim coma presentacions. -encantat, diguèt l’òmenasse. Me sòni Carlson -ieu Jòrdi Milton. E el alilà , Lennie Small. -encantat repetigèt Carlson. Aquò’s pas exactament pichon. Escacalassèt d’un rire leugièr de la trufaria . -es pas gaire pichon , repetiguèt . Voliai te demandar Slim… Ont es passada la tia canha ? Remarquèri qu’èra pas jos la carreta aqueste matin. -canhòtèt arser , diguèt Slim. Èran nòu. Ne’n neguèri quatre sul pic. Auriá pas pus los noirir totes . --que ne’n demòra cinq alara ? -E òc, Servèri los pus polids. -mas, de quela mena son, per tu ? -sabi pas, diguèt Slim. De menas de cans de pastre , sai que. Que ne’n vejèri pas pus, quand èra de gèst. Carlson contunhèt : -aquò fa , que ...

Of Mices and Men John Steinbeck O Revirada occitana Mirgas e Mascles. Pintradura inspirada de de La Tour Jòrdi agachèt Lennie. -mila Dius, quna sauma ! Diguèt. Alara ‘quò’s aquela, que Curley pesquèt, coma esposa ! -es bela, diguèt Lennie per l’aparar. -E òc, de segur, e qu’i fa per l’amagar. Curley a pas finit de patir. Jogi que fugirà per vingt dollars. Lennie agachava la pòrta que veniá de quitar. -bon Dius, ‘quò’s polida ! E çò disent, sorisiá d’admiracion. Jòrdi o fintèt rapidament, puèi li trapèt l’aurèlha per lo bolegar. -escota-me, bogre de con, diguèt en colera, mesfisa de gaitar pas aquela garça. Me’n chauti de çò que pòd dire o far. Aquò’s pas lo prumièr còp, que vesi de peis d’aquela mena, mas, jamai vejèri quicòm de milhor, per far encabanar qualqu’un. Laissa la tranquila. Lennie assajava de se desliurar l’aurèlha. -faguèri pas de ren, Jòrdi. -non, de segur, mas quand istava sus la pòrta, a mostrar las cambas, fintavas pas de l’autre costat. ...

Of Mices and Men J Steinbeck O En OC Mirgas e Mascles. Cai dessus pintradura inspirada de Manet lo paire de l'impressionisme , -vòli pas d’enganas , diguèt dolentament Jòrdi, me daissaras pas me batre diga? Jòrdi se levèt , anèt se seire sul lièch de Lennie. -aquò’s una mena de salòp qu’asiri diguèt. Ne’n vejèri un fum. Com o diguèt lo vièlh, Curley risca pas res . Gasanha totjorn. Sosquèt un briu. -se t’embestiá, Lennie, fotrem lo camp. Cal pas t’enganar. Aquò’s lo filh del patron . Escota plan Lennie. Permejaràs de lo defugir e ? Li parlaràs pas. Que t’aduse dins un caire, vai te’n a l’autra man de la cambra. Faràs aital Lennie ? -Vòli pas aver d’enganas, gemeguèt Lennie . Li faguèri jamai ren . -aquò’s t’avançarà de ren , si Lennie vòl jogar al boxaire. Te sarra pas jamai d’el. Te remembraràs ? -de segur Jòrdi , que dirai pas un mot. Lo bruch dels carris uflava , pièta de las batas pesucas sul sòl dur, craicinament dels frens, tindals de las cadenas dels arnè...

Of Mices and Men J Steinbeck o (revirada occitana) Mirgas e Masclas Pintradura inspirada de De La Tour Se revirèt a la pòrta e sortiguèt, e sos coides èran encara lèugièrament plegats. Jòrdi l’agachèt partir, puèi se virèt al vièlh. -diga me, de que li faguèt a aqueste ? Lennie li faguèt pas res. Lo vièlh fintèt la pòrta pacientament per èstre segur que degun escotava pas. -aquò’s lo filh del patron, diguèt suaudament. Curley es un òme adrèch. S’es un pauc trachat de bòxe. Foguèt pès lèugièr e es fòrça adrèch. -Ben, vòli plan que sia aluserpit diguèt Jòrdi. A pas besonh se’n prendre a Lennie. Lennie li faguèt pas ren. Per de que ne’n vòl a Lennie ? Lo vièlh sosquèt : -Ben … Me’n vau te dire. Curley reverta a un fum d’òmenons. Li agrada pas los grandasses. Passa lo temps de se perpinhar amb los grands. Coma se dis, aquò lo fot en rabia d’èsser pas gaire grand. Totis n’avètz plan conescut d’òmenòts d’aquela mena non ? De longa cerca bregas. -Ò ! de segur, dig...

Of Mices and Men J Steinbeck o Mirgas e Masclas. Seguida Sortiguèt son quasernet de logatge de la pòcha e lo dubriguèt lai ont un gredon aseparava las paginas. Tot exprès , Jòrdi jetèt un agach sevèr , e Lennie d’un sinhe de cap , mostrèt qu’aviá compres. Lo patron lequèt lo gredon. -consi te sonas ? -Jòrdi Milton. - E tu ? Jòrdi diguèt : -se sona Lennie Small. Los noms foguèron escriches dins lo quasernòt. -vesem, sem lo vingt, miètjorn , lo vingt. Barrèt lo quasernòt. - ont avètz trabalhat , totes dos ? - dins lo Nòrd, a Weed, diguèt Jòrdi. - tu tanben ? a Lennie - òc ben, el tanben, diguèt Jòrdi. - trufarèl, lo patron mostrèt Lennie del det . - es gaire lengut, e ? - non, pas gaire , mas pel trabalh , es valent . Fòrt com’un brau. Lennie se risejèt d’aurèlhas , per el meteis. -fòrt com’un brau, resseguèt. Jòrdi li jitèt un agach sevèr, e, Lennie vergonhos, baissèt lo cap. Subte , lo patron diguèt : -diga me e , Lenni...

Of Mices and Men J Steinbeck. seguida . O Mirgas e Mascles Lennie supliquèt, conta-me . Te pregui, Jòrdi.Consi faguères altres còps ? -t’agradas tant qu’aquò ? Va plan, te vau contar e puèi , aprèp, soparem. La votz de Jòrdi venguèt grèva. Ressava los mots sus un cèrt ritme coma se los aviá jà dich mantuns còps. -los tipes coma nosautres, que trabalhan disn los ranchs, i a pas mai sol sus tèrra . An pas cap de familha. An pas d’argent en çò sèu. Van dins un ranch estalviar un pauc d’argent, e puèi van a la vila , e despensan tot… e quora an tot minjat , van trimar dins d’autres ranches. I a pas cap de futur per elses. Lennie èra encantat. - ‘quò’s aital… 'quò’s aital. Ara conta-me consi es per nautres. Jòrdi contunhèt : -per nosautres, aquò’s pas aital. Nosautres, tenem un futur. Avem qualqu’un per se parlar, que s’interessa a nosautres . Nosautres aurem pas besonh de se seire dins un cafè e despensar de moneda, per qu’avem pas cap de luòcs ont anar...

Lèu Lennie tornèt dels bartasses. Portava pas qu’un tròç de sause a la man. Jòrdi se metèt sul darrèr. -va plan , diguèt tot doçament, dona me aquesta mirga ! Lennie se liurèt a una pantomima d’inocença fòrça complicada. -quna mirga , Jòrdi ? Ai pas cap de mirga. Jòrdi parèt la man. -anem dona me la . Creses pas de m’enganar sai que ? Lennie trastolèt, recuòlèt, jitèt un agach esglasiat dau la linha dels bartas, coma se pensava de se trapar la libertat en fugiguent. Jòrdi li diguèt secament : - me donaràs aquesta mirga , o te foti lo punh pel morre ? - te donar de que Jòrdi ? - o sabes tu fotrament plan . Vòli la mirga. De racacòr ; Lennie cerquèt dins la pòcha . La votz tremolava leugièrament. - savi pas per de que la pòdi pas me servar. Es pas a degun aquela mirga. L’ai pas panada. L’ai trobada mòrta a l’abroa del camin. - La man de Jòrdi demorèt emperiosament parada. Plan planet , coma un can que vòl pas torna...

Of Mices and Men J Steinbeck…. (Des souris et des hommes – second tròç) Mirgas e Mascles Tot d’èl èra definit : de las mans pichonas e fortas, dels braçes linges , del nas fin e ossut. Eri seguit per son contrari, un òmenasse , a la cara infòrma, als ulhasses palles, a las espatlas tombantas.Marchava pesucament , en rebalant un pauc los pèds coma un ors rebala las patas. Sos braçes , sens trentolar , penjavan balendrejant als sèus costats. Lo primièr òme s’arrestèt subte dins l’esclarcida , e, son companh manquèt de li tombar dessus. Levèt lo capèl e, l’eissuguèt ambe lo dèt guinhaire que faguèt claquar , per ne far gotar gotar las susor. Son camarada daissèt tombar las flaçadas e, s’aplatussant pel sòl , de ventre , se metèt de beure a la susfacia de l’aiga vèrda. Bevia a grands còps , en reganhant , com’un caval. L’òmenon se sarrèt d’el nerviosament. -Lennie , diguèt , sècament , Lennie , miladiu, bèu pas tant qu’aquò. Lennie contunhèt de reganhar dins l’aiga estadissa. L’òmenon ...