occitanissima

Desir del miègjorn. Istòria per de rire un brave còp entre amics. Que sortiguèri un jorn de l'escòla. Que cal plan ne sortir un jorn. Que n'i a qu'i demòra tot lo demai de la vida. Que ieu ne voliái pas sortir. Me soveni plan que me tancavi, ambe un cèrt plaser , davant lo trauc,... de la mata, coma un conilh a las espèras . Enfin quand ieu ne sortiguèri de l'escòla, jos los aplaudiments de la meuna familha, ausiguèri lo buf prigond de tota la parentalha : que n' es sortit, aquel fenhantàs , benlèu un jorn trabalharà ... » Ieu que me dobtavi pas sonque de l'asirança que n'avian totes , e d'un biais un brave sadol. Uèi ne'n pòdi pas parlar . Mas a l'epòca m' afogavan totas las questions de matematicas, de filosofias , de societat. Sens i comprendre ren , que ne podiái parlar longtemps. Los desvolopaments limitats . Las integralas del tresen gras L'algèbra de Boole, sabètz sus las raras . Una istòria de la violéncia. Tot m...