occitanissima

Dins gaireben siès meses de cinquanta jorns , o dètz de trenta a quicòm pròche ? Consí volètz ? Serem a mand de manifestar per la diversitat culturala , lo patrimòni , lo respet dels dreches de l'òme , de la femna e qualques còps de l'ors , dins França . Per de qué ? O sabem pas . Que França es lo pais lo pus bèl del monde subretot ambe Occitània. La sason estivalenca ven de dubrir dins Occitània Tota , amb de festenals de tota mena , bravament polits coma lo festenal de la raineta salvatja, o lo de l'ors noirit a la man, o lo de la pensada sens termièras del Frederic Mitterand o encara la de la Melot la raportaire UMP del prètzfach jacobin cargat de la renaissança pels patés. Nos cal pas oblidar de lausenjar North ( sai que lo fraire de lo que traficava ambe Noriega?) delegat al chaple de las lengas de França, cargat de la solucion finala a la DGDLLDF , Goebelian , veire Pòlpòtian per pas dire Kafkaian, babaròta l'estiu vengut. Los elegits socialistas sabon p...