occitanissima

Enfin anem aver una lei. Per l'occitan e las lengas regionalas. Arriba Manuelito Rajoy de la Val ! Arriba te a las banas, al cap del brau, anda pica la vaca . L' asuèlh es blau, lo camin dubèrt e clar. Un còp amontairat lo ròc de Sisifa al cap del penjal , un còp acabat de netejar las establas d' Augias , un còp tampat lo trauc de la secu, lo governament acamparà lo Senat e los deputats a Versalha, e lo Papa se pòd venir , faràn  una jos-comission, a la majoritat absoluda, jos la presidéncia de Lois Filipe ( que respond pas mai al telefon ) , e ambe l'ajuda del Conselh Constitucional, per saupre , a posteriòri, a priòri, urbi e òrbi, se pòdon començar d'estudiar la question de l'occitan puèi de l'occitan a la tele.... Segond la Responsa , de l' Academia, coma diguèt a França Cultura Monde Univèrs, Moussu Carcassona l'especialista de la Constitucion e del còp d' Estat de Miquel Debreuh de 1958 , e se plòu pas a n' aquèl...