Le porc et la cochonne et autres scoops

Cap a l'òme competitor OGM mas eternalament bèstia e crusèl...........

SCOOP  : Pareis que lo pòrc de Riad o del Qatar ( me soveni pas mai) es clafit al salmon norvegian, salmon que manjan pas que de sardas, e sardas que manjan pas que de plancton, que los òmes pescan amb los debasses negras de femna veladas , fialats tròp estequits, de las malhas que crèban totas la diversitat . 

Mas de pertot avèm la REVOLUCION de la CHARIA (cara als nòstres jornalistas de la libertat) festejada pertot pels medias parisencs e provincials de la democracia franchimanda, una fèsta començada dins Iraq e contunhada al Qòsòvò , dins Afganistan, dins Libia , dins Egipte, dins Tunisia , e deman aurem la democracia dels braces copats al Mali, democracia de l'espeiregada, democracia de l'acide dins los uèlhs de las joventas , al Nigèr , al Senegal , mas pantaissem pas , cal esperar encara, .......... que an de tuar un brave paqueton de democratas vertadièrs, e descarar mantunas femnas .

SCOOP La vaca europenca ganha la vida ambe un caval romanica que la niqua , e que los sers davant la tele de la diversitat franchimanda , manjan de lasanhas ambe d'ensaladas OGM, culhidas dins China, India e deman al Sodan o endacòm .

Ara tuan las galinas amb la segadoira (vist a la tele) qu'an pas quitament la fòrça, aquelas volatils de fugir davant la dalha. Aquò's la mondializacion e la competicion . I aguèt la vaca falorda deman aurem lo gal caluc. Se ditz de pertot qu'a la galina li vendrà de pès palmats , que manjan pas que de farina de peisses, als lapins li vendràn , aprèp d'unas mudasons geneticas quitament de pinças , coma los crancs e que començan ja de marchar un pauc de costat , coma los rendièrs de la Borsa , los traders, los financièrs que cagan lo caviar roja, fabricat amb la carn dels flamencs ròsas atrapats a las tendèlas a talha umana , per d'africans competitors , que jamai serem competitors nosautres coma ditz Parisòt la femna que partiguèt de ren per arribar al non ren.... e que manja pas que de iaourts nigerians faches de lach de camèlas e de cabras tigradas , mesclats de mèl de telhs groenlandeses.

Enfin dins l'actualitat i a lo libre d'una jornalista de Libe (sucsube , apericub, se sona cresi) , que vomís sa filosofia del fric amb l'ajuda del Novèl Obs , la filha qu'aima pas lo pòrc DSK .............LA COCHONA.

SCOOP : Encara un còp me demandi per de que i a tant d'asirança ? Que faguèt de mai o de mens lo DSK en comparason dels Kennedy ( que se tapèt mai de 1500 jovas sul burèu ovala de l'ostal blanc e de Berlingòni (bunga bunga ) que serà (scoop?) leu a la placa de Benoist , o d'unes presidents franceses qu'avian pas las colhas dins la pòcha , o pus democraticament los soldats de la patz de l'ONU dins Bòsnia , dins Africa , a mai los soldats de totes paises , dels GI dins Vietnam , dels japoneses dins China, dels franceses dins las colonias , dels angleses sus tota la susfàcia de la Tèrra.... UN REPORTAGE D'ARTE QUE TE DAISSA DE BADA....Femnas, enfants crompats, 1000 dolar per far çò que vòls , 3000 dolar lo drech de los torturar puèi tuar, e lo president de l' ONU que se cala , e se d'unas femnas dison la vertat , son viradas o tuadas....

En comparason ambe los crims dels soldats de l' ONU, que  la persecucion  de DSK contunhèsse encara, e creirai lèu que DSK èra vertadièrament socialista...

SCOOP: Lenga d'òc: la fin d'un raisve ....enfin venem de saupre que lo governament revolucionari senharà pas jamai la mapa de las lengas , vist qu'es empachat, que cal modificar la Constitucion , (imparable) e doncas amassar los tres cinquen de las doas cambras (senat e deputat) , çò que serà pas possible. Vist que l' UMP se'n chauta  e que lo PS es pas luènh de pensar coma aquò. ...

Darrièr scooP : França es a mand de tornar a l'agricultura bio , vist que las entrepresas clavan de mai en mai , e que cal remborsar los manlèus gigants (1800 miliard) , e deman ajudar las bancas que per astre servan justament lo montant de las nòstras estàlvias (1800 tanben) .....

Visca la republica papala , visca l' emperi republican , visca la democracia un còp cada 5 ans , (point trop n'en faut...) visca la patria de l'esquisofrenia e dels dreches de l' ouòme de la femna e del porcelon.....